Transcription
1
Monsieur, je vous envoye des lettres de madame de Cazeneufve. Vous verrés par icelles comme ilz
2
sont toutz en bonne santé. Quant au retardement du gentilhomme que monsieur de Montbrun
3
vous devoyt envoyer de sa part et de ce semblables, Roysse, qui pour cest efect devoit
4
estre employé, m’a dit que le mauvays temps de neiges et de gellées quy a faict est cause
5
qu’ilz n’ont effectué leurs dessain, mais qu’ilz sont en espérance au premiert jourt de
6
l’accomplyr. Je laray ce propos pour vous dire que monsieur de Suze a repassé en ceste
7
ville, lequel m’a dit au long de voz bonnes nouvelles. Quant aux nostre, elles sont à
8
l’accoustumée, grâces à Dieu, à lequel je supplie vous donner
9
Monsieur en très bonne santé, longue et heureuse vye, saluant voz bonnes grâces
10
par mes très humbles recommandations. Au Montelhimart, ce XXVIIIe nouvembre
11
Votre très humble et très hobéyssant filz et à jamays serviteur
12
Hourches
13
Monsieur, j’ay despêché mon laquays à monsieur de Causseins pour luy prier ce ressouvenyr de moy et de l’amytié
14
qu’il me pourte de laquelle je me puis présentement ressentyr si tant est que je n’aye esté adverty quar l’on
15
m’at asseuré que le roy veult qu’il remette son régiment es mains de monsieur de Saint-Geranz. par ce moyen, le dit sieur
16
de Causseins pourroit pratiquer que le régiment dudit sieur de Saint-Gerain me tumbat en main. Je m’asseure fort
17
de l’amytyé de tous deux et que si l’on n’a pas pourveu à l’un et l’auttre, qu’ilz s’employeront pour moy. Je crains avoyr esté
18
tart adverty et que ce que je suis esloigné me sera grandement préiudiciable. J’ay tout présentement trouvé commodité
19
par la voye de la poste, que m’a faict changer de deslibération pour n’y envoyer point mon laquays.